Autoritetet ukrainase: Vritet edhe një gjeneral rus – në total, rusët kanë humbur dhjetë ushtarak të lartë

18:53 | 1 Maj 2022
Lorik Gerbeshi

Rusia ka humbur një tjetër gjeneral në operacionin ushtarak të Vladimir Putinit në Ukrainë, sipas zyrtarëve të lartë ukrainas.

Gjeneralmajor Andrei Simonov u vra pran qytetit të Izyum në rajonin e Kharkivit, i cili aktualisht është i pushtuar nga forcat ruse, thanë autoritetet ukrainase.

Rusët ende nuk e kanë konfirmuar këtë pretendim gjersa ky do të jetë i dhjeti gjeneral rus që humb jetën gjatë pushtimit në Ukrainë.

Ushtria ukrainase sulmoi postin komandues në terren, duke goditur më shumë se 30 automjete të blinduara ruse, duke përfshirë tanke,.

Gjenerali ishte në mesin e 100 ushtarëve rusë të vrarë në sulm, tha Alexei Arestovich, një këshilltar ushtarak i presidentit ukrainas, Volodymyr Zelensky, raporton The Kyiv Post.

Arestovich tha se burime ushtarake të pozicionuara mirë konfirmuan vdekjen e gjeneral-majorit, Simonov.

Simonov ishte komandanti i lartë i luftës elektronike, tha këshilltari i qeverisë ukrainase, Anton Gerashchenko.

Shpërndaje në rrjete sociale

Lajmet më të lexuara

Të ngjashme

Foto lajm